Page 15 - Combined_Saundaryalahari_Flipbook
P. 15
Hyphenated version in IAST
śivaśśaktyā yukto yadi bhavati śaktaᳶ prabhavitum
na cedevaṃ devo na khalu kuśalasspanditumapi ।
atastvāmārādhyāṃ hari-hara-viriñcādibhirapi
praṇantuṃ stotuṃ vā kathamakṛta-puṇyaᳶ prabhavati ॥ 1 ॥
tanīyāṃsaṃ pāṃsuṃ tava caraṇa-paṅkeruha-bhavam
viriñcissañcinvan viracayati lokānavikalam ।
vahatyenaṃ śauriᳲ kathamapi sahasreṇa śirasām
harassaṅkṣubhyainaṃ bhajati bhasitoddhūlanavidhim ॥ 2 ॥
avidyānāmantastimira-mihira-dvīpa-nagarī
jaḍānāṃ caitanya-stabaka-makaranda-srutijharī ।
daridrāṇāṃ cintāmaṇi-guṇanikā janma-jaladhau
nimagnānāṃ daṃṣṭrā mura-ripu-varāhasya bhavati ॥ 3 ॥
tvadanyaᳶ pāṇibhyāmabhaya-varado daivata-gaṇaḥ
tvamekā naivāsi prakaṭita-varābhītyabhinayā ।
bhayāt trātuṃ dātuṃ phalamapi ca vāñchā-samadhikam
śaraṇye lokānāṃ tava hi caraṇāveva nipuṇau ॥ 4 ॥
haristvāmārādhya praṇata-jana-saubhāgya-jananīm
purā nārī bhūtvā pura-ripumapi kṣobhamanayat ।
smaro'pi tvāṃ natvā rati-nayana-lehyena vapuṣā
munīnāmapyantaᳶ prabhavati hi mohāya mahatām ॥ 5 ॥
99
